ايام

الايام و بتعدي و لا تهدي و لا بتقول كفايه بس
يوم يبتدي بطلوع الشمس يوم يبتدي بنهايه الامس
و يوم بنحلم نلاقي روحنا دايبين في شوق وحنين وهمس
ويوم بنصحى نلاقي بكره هدم كل اللي كان بالأمس
دنيا ودايرة دور الرحاية سنين عليا وقليل معايا

ده انا يا دنيا جيتك ريتك هويتك
ده انا يا دنيا عاشقك وف قلبي بيتك
ده انا يا دنيا فاكرك عاشقه هوايا
اتاريكي يا دنيا عاشقة همي وأسايا

الايام و بتعدي و لا تهدي و لا بتقول كفايه بس
دي الايام و بتعدي و لا تهدي و لا بتقول كفايه بس

الى كل من جارت عليه ايامه او .... بلاده

للشاعر: محمد الجارح

هيه تاني

هيه تاني دموع عنيكي

اللي بيها بتشكي همك؟

انسي تاني رجوعي ليكي

لو رجوعي كان يهمك

دي الخيانة طبع فيكي

بتداريها دموع عنيكي

بس عايشة جوه دمك

هيه تاني دوع عنيكي

اللي بيها بتشكي همك

انسي تاني رجوعي ليكي

لو رجوعي كان يهمك

سيبتي قلبي يعاني وحده

من عذابك سحرتيني وصدتيني

ده لما جيت انا ادق بابك

كنت جاي ونفسي اضمك

هيه تاني دموع عنيكي

اللي بيها بتشكي همك

انسي تاني دموعي ليكي

لو رجوعي كان يهمك

كل قلبي ما كان يجي من الحب يشكي

تبعدي وتعندي

ليه دلوقتي جايه تبكي

ليه تخليني بس اقولك

هيه تاني دوع عنيكي

اللي بيها بتشكي همك

انسي تاني رجوعي ليكي

لو رجوعي كان يهمك

للشاعر: محمد الجارح - لكل من يأس من محبوبته....أو وطنه